Усе асноўныя валюты падаражэлі на апошніх біржавых таргах тыдня

16 кастрычніка, Позірк. Усе асноўныя замежныя валюты падаражэлі на таргах Беларускай валютна-фондавай біржы 16 кастрычніка 2026 года.

Курс долара вырас да 3,0098 рубля (+0,02,%; +0,0007), юаня — да 4,5061 за 10 (+0,1%; +0,0043), расійскага рубля — да 3,604 за 100 (+0,01%; +0,0002), еўра — да 3,388 (+0,49%; +0,0165).

На гэтым працоўным тыдні (12–16 кастрычніка) курс долара знізіўся на 0,97% (з 3,0392 да 3,0098 рубля), юаня — на 1,03% (з 4,5531 да 4,5061 за 10), еўра — на 0,59% (з 3,4081 да 3,388); расійскі рубель падаражэў на 0,39% (з 3,5899 да 3,604 за 100).

На 4,33% (з 2,9027 да 3,0285 рубля) вырас афіцыйны курс долара ў Беларусі за дзевяць месяцаў 2026 года. Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтральных банкаў. Па выніках студзеня — жніўня Беларусь была трэцяй.

На першых пазіцыях Расія, дзе долар падаражэў на 7,93% (з 78,2267 да 84,4283 рубля), Украіна — на 5,84% (з 42,3878 да 44,8624 грыўні) і Малдова — на 5,75% (з 16,7925 да 17,7575 лея).

Менш вырасла каціроўка долара ў Латвіі, Літве і Эстоніі, якія ўваходзяць у еўразону, — на 3,48% (з 0,8511 да 0,8624 еўра), а таксама ў Кыргызстане — на 0,04% (з 87,4177 да 87,4483 сома).

У верасні долар у Беларусі патаннеў на 0,37% — гэта чацвёртае месца пасля Казахстана (-5,47%), Расіі (-1,37%) і Арменіі (-0,45%).