МУС прызнала “экстрэмісцкім фарміраваннем” Беларускі добраахвотніцкі корпус

14 снежня, Позірк. Міністэрства ўнутраных спраў 14 снежня прызнала “экстрэмісцкім фарміраваннем” групу грамадзян, “аб’яднаных пад агульнай назвай “Беларускі добраахвотніцкі корпус” (Беларускі добраахвотніцкі корпус, БДК), вынікае з абноўленага спісу на сайце МУС.

Ведамства пералічыла шэраг асоб, якія, як сцвярджаецца, датычныя да БДК. Гэта Радзівон Батулін, Ігар Янкоў і Андрэй Трацэўскі. У пераліку таксама фігуруюць рэсурсы “экстрэмісцкага фарміравання” — тэлеграм-каналы, боты, старонкі ў “ЮТубе” і рахунак для ахвяраванняў у адным з украінскіх банкаў.

Беларускі добраахвотніцкі корпус — створанае напрыканцы 2022 года аб’яднанне беларускіх добраахвотнікаў, якія ваююць на баку Украіны. З’явілася на хвалі незадаволенасці часткі байцоў палітызацыяй добраахвотніцкіх сіл.