“Вясна”: Пасля ўварвання Расіі ва Украіну за праяву антываеннай пазіцыі паводле крымінальных спраў асуджана 82 асобы

3 студзеня, Позірк. За праяву антываеннай пазіцыі пасля ўварвання Расіі ва Украіну затрымлівалі не меней за 1.645 беларусаў і беларусак, 82 з іх былі асуджаныя паводле крымінальных спраў на тэрмін ад 1 да 23 гадоў, паведамляе праваабарончы цэнтр “Вясна”.

Паводле інфармацыі праваабаронцаў, па стане на 3 студзеня 2024 года ў Беларусі налічваецца 13 асуджаных за дыверсіі на чыгунцы агулам на 199,5 года няволі. За перадачу фота і відэа расійскай ваеннай тэхнікі ў СМІ асуджаныя не меней за 35 асобаў, за намер ваяваць на баку Украіны — 14 чалавек. Не меней за 40 асоб зазналі пераслед за публічнае асуджэнне расійскай агрэсіі, данаты беларускім добраахвотнікам і падтрымку Украіны.

24 лютага 2022 года Расія развязала поўнамаштабную вайну супраць Украіны, у якой афіцыйны Мінск падтрымлівае Крэмль.