Членам ЦВК прызначаны намеснік начальніка Акадэміі МУС

19 красавіка, Позірк. Аляксандр Лукашэнка назначыў першага намесніка начальніка Акадэміі МУС Аляксея Башана членам Цэнтральнай выбарчай камісіі. Адпаведны ўказ падпісаны 19 красавіка, паведамляе яго прэс-служба.

Башан — палкоўнік міліцыі, кандыдат юрыдычных навук, прафесар. Яго кандыдатура была рэкамендавана сумесным рашэннем прэзідыума Мінскага гарадскога Савета дэпутатаў і Мінскага гарадскога выканаўчага камітэта.

У 1997 годзе з адзнакай скончыў Акадэмію МУС, у 2005 годзе — ад’юнктуру навукова-педагагічнага факультэта Акадэміі МУС.

Пасля заканчэння ад’юнктуры праходзіў службу на пасадах выкладчыка, старшага выкладчыка, дацэнта, намесніка начальніка кафедры аператыўна-вышуковай дзейнасці Акадэміі МУС. Узначаліў кафедру аператыўна-вышуковай дзейнасці ў 2013 годзе. У верасні 2014 года прызначаны на пасаду першага намесніка начальніка Акадэміі МУС.

Цэнтральная камісія дзейнічае на пастаяннай аснове, тэрмін яе паўнамоцтваў — пяць гадоў. Дзеючы склад камісіі сфарміраваны ў снежні 2021 года. ЦВК складаецца з 12 сябраў, на прафесійнай аснове працуюць старшыня і сакратар камісіі.

Кандыдатуры ў склад Цэнтральнай камісіі рэкамендуюцца Лукашэнкам сумеснымі рашэннямі прэзідыумаў абласных, Мінскага гарадскога Саветаў дэпутатаў і абласных, Мінскага гарадскога выканаўчых камітэтаў.