Травень 2024 года стаў рэкордным па актыўнасці мігрантаў на мяжы Беларусі і ЕС (выпраўлена)

Шаноўныя чытачы і падпісчыкі!

У першапачатковай заметцы “Травень 2024 года стаў рэкордным па актыўнасці мігрантаў на мяжы Беларусі і ЕС (падрабязна)”, апублікаванай 27 траўня ў 18:51, а таксама яе скарочанай версіі ў 18:52 дапушчана няправільнае сцвярджэнне пра тое, што травень стаў рэкордным з пачатку міграцыйнага крызісу. Пазначаны месяц стаў рэкордным з пачатку 2024 года.

У арыгінальныя заметкі ўнесеныя адпаведныя карэктывы, ніжэй дублюецца выпраўленая скарочаная версія.

Просім прабачэння за дапушчаную памылку.

27 траўня, Позірк. Яшчэ да заканчэння травень стаў рэкордным з пачатку 2024 года месяцам па актыўнасці замежнікаў, якія імкнуцца незаконна перасекчы мяжу Еўрасаюза з боку Беларусі, сведчыць праведзены “Позіркам” аналіз статыстычных даных памежных ведамстваў.

За 26 травеньскіх дзён Польшча, Латвія і Літва прадухіліла 6.647 спробаў парушэння мяжы з беларускай тэрыторыі. Дагэтуль рэкордным месяцам быў красавік 2024-га, калі яны зафіксавалі 6.327 такіх спробаў.

Міграцыйны крызіс на мяжы Беларусі і краін ЕС цягнецца з вясны 2021 года.