Пасля сустрэчы Ціханоўскай з кіраўніком МЗС Арменіі Мінск перадаў Ерэвану ноту, яе змест не раскрываецца

21 чэрвеня, Позірк. “Адпаведная нота МЗС Беларусі” перададзена часоваму паверанаму ў справах Арменіі ў Беларусі Нараку Тыратурану начальнікам упраўлення двухбаковага супрацоўніцтва з краінамі СНД Сяргеем Малуновым 21 чэрвеня.

Яе змест не раскрываецца.

Як паведамляе прэс-служба МЗС Беларусі, таксама “закранута гуманітарная тэматыка, падкрэслены даўнія сяброўскія сувязі двух народаў”.

Бакі абмеркавалі “шэраг актуальных пытанняў двухбаковых адносін, перспектывы гандлёва-эканамічнага супрацоўніцтва і ўзаемадзеянне ў сумесных інтэграцыйных структурах”.

Як паведамлялася, 20 чэрвеня ў Вільнюсе дэмакратычны лідар Святлана Ціханоўская абмеркавала палітычную сітуацыю ў Беларусі з міністрам замежных спраў Арменіі Араратам Мірзаянам.

Гэта другая сустрэча палітыкаў. 5 кастрычніка 2023 года на палях саміту Еўрапейскай палітычнай супольнасці ў іспанскай Гранадзе дэмлідэр перадала словы падтрымкі армянскаму народу ў сувязі з тагачаснай сітуацыяй у Нагорным Карабаху падчас сустрэчы з прэм’ер-міністрам Нікалам Пашынянам і Мірзаянам.

2 чэрвеня, выступаючы перад парламентам, прэм’ер-міністр Нікол Пашынян заявіў аб магчымым выхадзе Арменіі з АДКБ.

Палітыка

Палітыка

Арменіі не будзе на пасяджэнні Саўміна замежных спраў АДКБ

19 чэрвеня, Позірк. Міністр замежных спраў Арменіі Арарат Мірзаян не будзе ўдзельнічаць у пасяджэнні Савета міністраў замежных спраў дзяржаў — членаў АДКБ, якое пройдзе 21 чэрвеня ў Алматы (Казахстан). Пра гэта 19 чэрвеня паведаміла інфармагенцтва "Арменпрэс" са спасылкай на прэс-службу …

Чытаць