Беларус з “небяспечнымі прадметамі” трапіў ва ўрадавы будынак у Варшаве

16 ліпеня, Позірк. Грамадзянін Беларусі ўзростам каля 40 гадоў “з небяспечнымі прадметамі ў сумцы” 16 ліпеня трапіў ў будынак Міністэрства сям’і, працы і сацыяльнай палітыкі Польшчы ў Варшаве, паведаміла польскае інфармагенцтва РАР са спасылкай на даныя паліцыі.

Вакол будынка расцягнулі загараджальную стужку, на месца здарэння прыбылі нарады паліцыі і пажарная брыгада. Паводле інфармацыі агенцтва, было эвакуіравана каля 150 чалавек.

Мужчына зайшоў у будынак “пасля 11 раніцы” (12:00 па Мінску), а “пасля 12 гадзін відавочцы паведамілі, што бачылі чалавека, якога выводзілі паліцыянты”.

Паводле звестак паліцыі, паведамляе PAP, у мужчыны ў сумцы былі “газ, нож, тэлескапічная дубінка і, магчыма, пісталет”.