Ва Украіне ліквідаваны канал увозу падробленых беларускіх лекаў

28 ліпеня, Позірк. У Валынскай вобласці ліквідаваны канал нелегальнага ўвозу “фальсіфікаваных медыцынскіх прэпаратаў расійскай і беларускай вытворчасці”, паведамляе офіс генеральнага пракурора Украіны.

Са спасылкай на даныя следства адзначаецца, што схема ўвозу фальсіфікату была арганізавана праз Польшчу з мэтай наступнага збыту.

Кіраваў дастаўкай кантрабандных лекаў жыхар Валынскай вобласці з саўдзельнікамі. Рэалізоўваліся “падробленыя лекі праз інтэрнэт-крамы, сацсеткі і каналы ў месенджарах”, гаворыцца ў паведамленні.

“У ходзе праведзеных санкцыянаваных судом ператрусаў па месцах захоўвання медпрэпаратаў і пражывання фігурантаў праваахоўнікі канфіскавалі расійскія і беларускія медыкаменты, грашовыя сродкі ў рознай валюце ў эквіваленце больш за 2 млн грыўняў (каля 50 тыс. долараў. — “Позірк“.), чарнавыя запісы, таварна-транспартныя накладныя аб паштовых адпраўленнях лекавых сродкаў”, — адзначае наглядны орган.

Узбуджаная крымінальная справа, прызначаны шэраг экспертыз. Вырашаецца пытанне аб накладанні арышту на канфіскаваную маёмасць.

“Устанаўліваюцца ўсе датычныя да незаконнай дзейнасці”, — падкрэсліваецца ў рэлізе.

Грамадства Эканоміка

Грамадства, Эканоміка

Польскія мытнікі затрымалі 5 тыс. кантрабандных цыгарэт у таварным цягніку

21 чэрвеня, Позірк. Супрацоўнікі польскай мытнай і пагранічнай службаў спынілі кантрабанду амаль 5 тыс. пачкаў цыгарэт, схаваных у тайніку грузавога поезда, які рухаўся з Беларусі. Як паведамляе 21 чэрвеня прэс-служба Пагранічнай аховы Польшчы, нелегальны груз знайшлі служачыя Надбужанскага аддзялення пагранаховы …

Чытаць