Алейнік: Ва ўмовах санкцый Беларусь зацікаўлена пастаўляць праз Турцыю тавары ў трэція краіны

8 лістапада, Позірк. Дамагацца максімальных вынікаў супрацоўніцтва з Турцыяй “нас абавязваюць таксама выклікі тэхнагеннага і рукатворнага характару”. Такую заяву зрабіў заявіў міністр замежных спраў Беларусі Сяргей Алейнік на пленарным пасяджэнні беларуска-турэцкай сумеснай міжурадавай камісіі па эканамічным супрацоўніцтве, якое адкрылася ў Анкары 8 лістапада.
У рамках “эканамічнай дыпламатыі па мінімізацыі наступстваў разбуральнага землетрусу для аднаўлення пацярпелых рэгіёнаў у Турцыі сёлета нам удалося павялічыць аб’ёмы паставак беларускіх будаўнічых матэрыялаў і іншай прадукцыі ў тры разы”, сказаў Алейнік. У стадыі пачатковай прапрацоўкі, паводле яго слоў, трохбаковы беларуска-расійска-турэцкі праект, звязаны з праектаваннем і будаўніцтвам завода жалезабетонных канструкцый у горадзе Кіліс на поўдні Турцыі.
Міністр адзначыў, што Беларусь і Турцыя значна наблізіліся да выканання стратэгічнай задачы павялічыць узаемны тавараабарот да 1,5 млрд долараў ЗША і скараціць дысбаланс ва ўзаемным гандлі. Згодна з турэцкай статыстыкай, за 9 месяцаў 2023 года аб’ём узаемнага гандлю дасягнуў 1,6 млрд долараў, прывёў даныя Алейнік.
Як заявіў кіраўнік МЗС, ва ўмовах заходніх санкцый “першарадная цікавасць” для Беларусі ўяўляе “вырашэнне пытанняў узаемаразлікаў, лагістыкі дастаўкі тавараў у Турцыю, а таксама праз Турцыю ў трэція краіны і краіны Глабальнага Поўдня”.
Кіраўнік беларускага знешнепалітычнага ведамства паведаміў таксама аб падпісанні Мемарандума аб узаемаразуменні паміж беларускім Нацыянальным цэнтрам маркетынгу і кан’юнктуры цэн і Асацыяцыяй бізнесменаў Турцыі, прадстаўнікі якіх плануюць узяць удзел у сумесным бізнес-форуме ў Беларусі ў першым квартале 2024 года.
У рамках пасяджэння міжурадавай камісіі адбылося чарговае пасяджэнне змешанай камісіі па аўтамабільных зносінах, якая вызначыла квоту дазволаў для беларускіх перавозчыкаў на 2024 год, разгледзела магчымасць стварэння на тэрыторыі Турцыі альтэрнатыўнага сертыфікацыйнага цэнтра карт лічбавага тахографа, а таксама прадаўжэння на 2024 год двухбаковага праекта і транзітных перавозак па тэрыторыі Беларусі і Турцыі.
Адзначыўшы, што ў беларускую эканоміку ўжо ўкладзена 1,5 млрд долараў турэцкіх інвестыцый, Алейнік заявіў аб гатоўнасці прапанаваць турэцкім партнёрам пляцоўкі для рэалізацыі выгадных перспектыўных праектаў і даць прэферэнцыі ў свабодных эканамічных зонах Беларусі і асаблівы льготны рэжым — у індустрыяльным парку “Вялікі камень”.
Візіт Алейніка ў Анкару пачаўся 7 лістапада. У гэты дзень ён правёў сустрэчу з турэцкім калегам Хаканам Фіданам. Мясцовыя СМІ паведамілі, што запланаваная сумесная прэс-канферэнцыя была адменена.
- Грамадства, Палітыка
- Грамадства
- Грамадства
- Грамадства, Палітыка
- Грамадства
- ЭканомікаУ першым квартале толькі ў Мінску і Мінскай вобласці было нанята працаўнікоў больш, чым звольненаМатэрыял даступны толькі падпісчыкам ПОЗІРК+
- ЭканомікаАдмоўнае сальда знешняга гандлю таварамі Беларусі з краінамі па-за СНД за год вырасла на 45,6%Матэрыял даступны толькі падпісчыкам ПОЗІРК+
- Палітыка
- Грамадства
- Эканоміка
- ЭканомікаПратэрмінаваная запазычанасць фізічных асоб па крэдытах за год вырасла на 28,6% (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Грамадства, ПалітыкаЗа чатыры месяцы 2025 суседнія краіны ЕС спынілі не менш за 8.444 спробаў нелегальнай міграцыі з Беларусі (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- ПалітыкаХроніка палітычных рэпрэсій за 1–2 траўня 2025 годаМатэрыял даступны толькі падпісчыкам ПОЗІРК+
- Грамадства, ПалітыкаПраз палітыку ўладаў беларусы пакідаюць Грузію, прадаюць кватэры — праваабаронца (падрабязна)Матэрыял даступны толькі падпісчыкам ПОЗІРК+
- Грамадства
- Грамадства
- ГрамадстваМінулай ноччу на беларускіх метэастанцыях перакрыта дзевяць рэкордаў холаду (падрабязна)Матэрыял даступны толькі падпісчыкам ПОЗІРК+
- Палітыка
- Грамадства
- Палітыка
- Грамадства, Палітыка
- Палітыка
- Грамадства, Палітыка
- Эканоміка
- Эканоміка
- Эканоміка
- Грамадства, Палітыка