Дэмсілы Арменіі запатрабавалі ад уладаў разрыву дыпадносін з Беларуссю “да зрынання дыктатара Лукашэнкі з пасады”

21 жніўня, Позірк. “Неадкладна разарваць дыпламатычныя стасункі з Беларуссю да зрынання дыктатара Лукашэнкі з пасады” запатрабавалі дэмакратычныя сілы Арменіі ад уладаў сваёй краіны.

З гэтым і іншымі патрабаваннямі прадстаўнікі дэмсіл прыйшлі 21 жніўня да амбасады Беларусі ў вёсцы Арындж пад Ерэванам.

Патрабаванне разрыву дыпадносін таксама згадваецца ў заяве Кансультатыўнай платформы дэмакратычных сіл Арменіі, тэкстам якой падзяліўся з “Позіркам” палітолаг, экспэрт армянскага цэнтра палітычных і міжнародных даследаванняў Рубен Меграбян.

Дэмсілы таксама рэкамендавалі запрасіць у Ерэван з візітам “абранага прэзідэнта Беларусі Святлану Ціханоўскую”.

(Будзе дапоўнена.)