У Мінску іншаземца прыгаварылі да 12 гадоў пазбаўлення волі за замах на забойства

13 верасня, Позірк. Суд Першамайскага раёна Мінска прыгаварыў нелегальнага мігранта да 12 гадоў пазбаўлення волі.

Паводле інфармацыі пракуратуры Мінска, іншаземца прызналі вінаватым паводле ч. 1 арт. 14, ч. 1 арт. 139 (замах на забойства) і ч. 1 арт. 366 (гвалт або пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак) Крымінальнага кодэкса.

Паводле матэрыялаў справы, абвінавачаны падчас “раптоўнага канфлікту з пацярпелым” нанёс яму “не менш за 12 удараў нажом у вобласць пярэдняй брушнай сценкі, правага пляча, левай пэндзля, пярэдняй і задняй паверхняў грудной клеткі і левай паяснічнай вобласці”, а таксама “не менш за 10 удараў галавой, рукамі і нагамі па галаве, тулава, верхнім і ніжнім канечнасцям пацярпелага”.

Пацярпеламу ўдалося збегчы праз акно, пасля яму своечасова аказалі медыцынскую дапамогу. На месцы здарэння апрача абвінавачанага было затрымана больш за 20 нелегальных мігрантаў.

Прыгавор не ўступіў у законную сілу, можа быць абскарджаны і апратэставаны ў апеляцыйным парадку.

Пракуратура не прыводзіць іншых падрабязнасьцяў справы.

Раней “Люстэрка” паведамляла, што ў цэнтры Мінска ў ноч на 8 красавіка восем замежнікаў, паводле папярэдняй інфармацыі грамадзяне Індыі, выскачылі з чацвёртага паверха. Частка з іх была дастаўлена ў бальніцу, адзін — у цяжкім стане.

Міграцыйны крызіс на граніцы Беларусі з краінамі ЕС працягваецца з вясны 2021 года.