Ціханоўская і Алексіевіч абмеркавалі пытанне вызвалення палітвязняў, падтрымку Украіны

1 сакавіка, Позірк. Лёс палітвязняў і “важнасць адвакатавання іх вызвалення” абмеркавалі беларускі дэмакратычны лідар Святлана Ціханоўская і лаўрэат Нобелеўскай прэміі па літаратуры 2015 года Святлана Алексіевіч на сустрэчы ў Вільнюсе, паведаміў 1 сакавіка тэлеграм-канал палітыка.

Адзначаецца, што суразмоўніцы таксама “абмяняліся думкамі пра ролю жаночага лідарства для беларускага грамадства і палітыкі Беларусі”, абмеркавалі “важнасць салідарнасці”. На сустрэчы было заяўлена, што цяпер галоўнае “шукаць тое, што натхняе, захоўваць еднасць і веру ў будучыню, нягледзячы на ўсе выпрабаванні”.

Сярод іншага Ціханоўская і Алексіевіч абгаварылі, чаму перамога Украіны ў развязанай супраць яе Расіяй вайне важная для Беларусі і як можна падтрымаць украінцаў у іх барацьбе.

Беларускі дэмлідар узнагародзіла пісьменніцу Крыжам Адраджэння, якім Аб’яднаны пераходны кабінет адзначае дзеячаў за “адданасць інтарэсам беларускага народа і значны ўнёсак у развіццё беларускай культуры”.

28 лютага Алексіевіч правяла сустрэчу з чытачамі ў шэлтары “Замак” беларускай арганізацыі “Дапамога”. У Літву пісьменніца прыехала для ўдзелу ў Вільнюскім кніжным кірмашы і запісу размоў з героямі сваёй новай кнігі. Адна з яе суразмоўніц — экс-палітзняволеная Паліна Шарэнда-Панасюк, якая правяла ў няволі больш за 4 гады і пасля вызвалення пакінула Беларусь.

На 1 сакавіка беларуская праваабарончая супольнасць прызнае палітвязнямі 1.232 чалавекі. Насамрэч людзей, якія зазналі рэпрэсіі ў той ці іншай форме, значна больш.

Гл. таксама:

Беларусам трэба мяняць светапогляд, лічыць Алексіевіч

Алексіевіч дапускае магчымасць таго, што РФ уцягне Беларусь у вайну

Грамадства Палітыка

Грамадства, Палітыка

Алексіевіч: Не адрэфлексавалі камунізм, ГУЛАГ, таму ўсё да нас і вяртаецца

28 лютага, Позірк. Кнігу з працоўнай назвай "У чаканні варвараў" — пра беларускую “рэвалюцыю“ 2020 года і пра тое, як змяніліся беларусы за прамінулы з тае пары час, — працягвае пісаць лаўрэат Нобелеўскай прэміі па літаратуры 2015 года Святлана Алексіевіч. Пісьменніца, якая прыехала …

Чытаць