У апошні дзень анамальна цёплага надвор’я тэмпературныя рэкорды зафіксаваныя больш чым на 30 метэастанцыях
14 сакавіка, Позірк. Восем дзён працягваўся ў Беларусі перыяд анамальна цёплага для пачатку сакавіка надвор’я.
З 6 па 13 сакавіка перакрыта 316 лакальных і шэсць абсалютных тэмпературных рэкордаў дня за ўвесь 144-гадовы перыяд інструментальных метэаназіранняў (6-11 сакавіка), вынікае з праведзенага “Позіркам“ параўнання аператыўных і архіўных даступных даных Белгідрамета.
Усе восем дзён абнаўляліся рэкорды ў Бабруйску, Клічаве, Сянно і Слуцку. У Мінску рэкорд выстаяў толькі 11 сакавіка.
У заключны дзень цёплага надвор’я перапісана 33 лакальных экстрэмумы.
Самая высокая тэмпература адзначана ў Акцябрскім — 17,8 градуса (было 17,1 у 2001 годзе) пры абсалютным максімуме дня 19,9 (у 2002 годзе ў Брагіне).
У Мінску паветра прагрэлася да 15,9 градуса (13,2 у 2002 годзе), у Гомелі — да 17,3 (16,6 у 2002-м), Магілёве — да 16 (14 у 1997-м), Віцебску — да 14,7 (12,8 у 2002-м),
Удзень 14 сакавіка, паводле прагнозу Белгідрамета, не вышэй за 11 градусаў цяпла, 15 і 16 сакавіка — да 8, 17-га — да 5. Бліжэйшыя тры ночы чакаюцца маразы да 7-8 градусаў ніжэй за нуль.