25 сакавіка, Позірк. Аб падаўжэнні да 1 кастрычніка 2025 года забароны на ўвоз асобных тавараў праз беларуска-літоўскі ўчастак дзяржаўнай мяжы паведамляе прэс-служба ўрада.
Адпаведны ўказ падпісаў прэм’ер-міністр Аляксандр Турчын.
Папярэдні раз забарона была падоўжаная да 1 красавіка 2025 года.
Забарона на імпарт асобных тавараў з Літвы ўведзена пастановай Савета міністраў № 182 ад 14 сакавіка 2024 года. Яна тычыцца “малака і вяршкоў згушчаных, садавіны і арэхаў, кавы, сокаў фруктовых, вод, воцату, калгот, панчох, гольфаў, шкарпэтак і іншых панчошна-шкарпэткавых вырабаў, асобных будаўнічых вырабаў, халадзільнікаў і маразільнікаў” літоўскай вытворчасці.
Акрамя таго, праз пункты пропуску на беларуска-літоўскай мяжы забаронена перавозіць “вады, піва, віны, сусла вінаграднае, вермуты, іншыя напоі зброджаныя, спірт этылавы, воцат, шыны і пакрышкі пнеўматычныя гумовыя, адзенне і іншыя вырабы, якія былі ва ўжыванні, а таксама былыя ва ўжыванні часткі і прыналежнасці транспартных сродкаў”. Краіна паходжання значэння не мае.
Першапачаткова забарона дзейнічала з 1 красавіка па 1 кастрычніка.
Аўтарызавацца
Забыліся пароль?
Выхад з профілю
