26 чэрвеня, Позірк. “Я зламаю гэты рэжым”, — заявіў былы палітвязень Сяргей Ціханоўскі на мітынгу беларусаў Варшавы ўвечары 26 чэрвеня.
Ён выказаў суайчыннікам падзяку за сваё вызваленне, аднак адзначыў, што не бачыць у іх столькі аптымізму і веры, як у 2020 годзе.
Ціханоўскі паведаміў пра намер здзейсніць турнэ па Польшчы, Германіі, ЗША, іншых краінах для сустрэч з беларусамі. Ён таксама збіраецца “аб’яднаць СМІ і блогераў“.
На мітынг у цэнтр польскай сталіцы Ціханоўскі прыйшоў са сваёй жонкай Святланай, якая таксама выступіла перад прысутнымі.
Яе намеснік у Аб’яднаным пераходным кабінеце, кіраўнік Народнага антыкрызіснага ўпраўлення Павел Латушка параўнаў Ціханоўскага са знішчальнікам F-35.
(Будзе дапоўнена.)
