У Мінздароўя не сышлася статыстыка нараджальнасці ў Дзень незалежнасці

4 ліпеня, Позірк. 158 дзяцей нарадзілася ў Беларусь 3 ліпеня, у Дзень незалежнасці, паведаміла Міністэрства аховы здароўя. Аднак, калі падсумаваць рэгіянальную статыстыку, якую прывяло ведамства, лічба атрымліваецца іншая — 173, вынікае з праведзенага “Позіркам” аналізу.

У Мінскай вобласці нарадзілася 30 дзяцей, у Брэсцкай, Гродзенскай і Магілёўскай абласцях — па 16, Гомельскай — 15, Віцебскай — 10, у Мінску — 70 (66 — у радзільнях, 4 — у РНПЦ “Маці і дзіця“).

Год таму 3 ліпеня Міністэрства аховы здароўя таксама паведамляла пра 158 народжаных. Тады памылак у вылічэнні не было.