У студзені — ліпені пратэрмінаваная запазычанасць дзяржсектара па крэдытах у гадавым вымярэнні вырасла на чвэрць
2 верасня, Позірк. У студзені — ліпені 2025 года банкі, што працуюць у Беларусі, выдалі арганізацыям крэдытаў на 112 млрд 640,7 млн рублёў — на 9,6% больш, чым за аналагічны перыяд 2024-га (102 млрд 795,4 млн), сведчыць праведзены “Позіркам” аналіз даных Нацыянальнага банка.
Дзяржсектар за гэты час пракрэдытаваны на 34 млрд 108,9 млн рублёў (31 млрд 931,6 млн; +6,8%), недзяржаўны атрымаў 78 млрд 531,9 млн (70 млрд 863,8 млн; +10,8%).
Пратэрмінаваная запазычанасць па крэдытах на 1 жніўня дасягнула 303,3 млн рублёў (284,5 млн; рост у 6,6 раза): у дзяржсектара — 44,9 млн (35,8 млн; +25,4%); прыватнага — 258,4 млн (248,7 млн; +3,9%).
