19-гадовы пасажыр легкавога аўтамабіля загінуў пасля сутыкнення з фурай у Баранавіцкім раёне

30 верасня, Позірк. Аб смяротным дарожна-транспартным здарэнні ў Баранавіцкім раёне паведамляе УУС Брэсцкага аблвыканкама.

ДТЗ здарылася 29 верасня каля 21:50.

“20-гадовы вадзіцель кіраваў аўтамабілем “Пежо” і рухаўся па крайняй правай паласе аўтадарогі М1/Е3 “Брэст — Мінск — мяжа РФ”, — гаворыцца ў паведамленні.

Паводле папярэдняй інфармацыі, ён здзейсніў сутыкненне з “седлавым цягачом “Мэрсэдэс”, які рухаўся наперадзе ў спадарожным кірунку у складзе з паўпрычэпам пад кіраваннем 61-гадовага кіроўцы”. Адзначаецца, што фура ехала са зніжанай хуткасцю.

У выніку ДТЗ 19-гадовы пасажыр аўтамабіля “Пежо” сканаў на месцы здарэння.

Узбуджана крымінальная справа.

Абставіны аўтааварыі высвятляюцца.