4 кастрычніка, Позірк. З 535.920 работнікаў, звольненых у Беларусі за студзень — жнівень 2025 года, за прагул і іншыя парушэнні працоўнай дысцыпліны працы пазбавілася 4,9% (26.170), праз ліквідацыю арганізацыі, скарачэнне колькасці або штата — 0,6% (3.098), сведчыць праведзены “Позіркам” аналіз даных Нацыянальнага статыстычнага камітэта.
За апошнія пяць гадоў колькасць звольненых парушальнікаў павялічылася на 8,7% (з 24.067 да 26.170), а скарочаных — на 12,7% (з 2.748 да 3.098).
У жніўні 2025 года ў беларускай эканоміцы было занята 4 млн 156,2 тыс. чалавек — на 8,2 тыс. больш, чым у ліпені (4 млн 148 тыс.; +0,2%), паказаў праведзены “Позіркам” аналіз даных Белстата.
