МНС канстатуе рост колькасці пажараў і загінулых ад іх людзей у 2025 годзе

4 лістапада, Позірк. За мінулы перыяд 2025 года колькасць пажараў і загінулых ад іх людзей павялічылася ў параўнанні з аналагічным леташнім перыядам, заявіў на прэс-канферэнцыі 4 лістапада ў Мінску намеснік начальніка ўпраўлення арганізацыі нагляду і прафілактыкі Галоўнага ўпраўлення нагляду і прафілактыкі Міністэрства па надзвычайных сітуацыях Дзяніс Жукоўскі.

Паводле яго слоў, у асноўным статыстыка па колькасці пажараў і загінулых вырасла за кошт здарэнняў у лютым і сакавіку 2025-га. Пры гэтым ён адзначыў, што летась у лютым быў зарэгістраваны гістарычны мінімум гібелі людзей ад пажараў: “За люты 2024 года пры пажарах загінула 34 чалавекі, хаця ў сярэднім за гэты зімовы месяц гіне 60–70 чалавек. Таму сёлета мы ідзём з невялікім ростам па гібелі людзей ад пажараў”.

Паводле даных МНС, ад пачатку года ў Беларусі адбылося 5.473 пажары (5.156 за адпаведны перыяд 2024 года), загінула 432 чалавекі, у тым ліку 4 дзіцяці (417 і 11).

Падрабязнасці даступныя падпісчыкам “Позірк+”