У 2024 годзе Беларусь зарабіла на ўязным паляўнічым турызме 11,6 млн рублёў

4 лістапада, Позірк. У 2024 годзе на ўязным паляўнічым турызме было зароблена 11,6 млн рублёў — на 36% больш, чым у 2023-м, паведаміў на прэс-канферэнцыі 4 лістапада ў Мінску начальнік аддзела паляўнічай гаспадаркі Міністэрства лясной гаспадаркі Аляксандр Казарэз.

Паводле яго слоў, на 1 лістапада толькі лесапаляўнічыя гаспадаркі Мінлясгаса зарабілі каля 2 млн рублёў — больш чым на 500 тыс. больш, чым за аналагічны леташні перыяд.

Казарэз адзначыў, што цяпер паляўнічы турызм у агульных даходах паляўнічай гаспадаркі складае каля 25%. У 2012 годзе доля даходзіла да 50%, але “адбыліся два спады”.

Першы, сказаў чыноўнік, адбыўся ў 2013 годзе праз тое, што Беларусь страціла “на той момант асноўны від паляўнічых жывёл — дзіка”. Сітуацыя была выклікана эпідэміяй афрыканскай чумы свіней, у 2013-м пагалоўе дзікоў было значна скарочанае. Другі спад, паводле слоў чыноўніка, быў у 2020 годзе — праз COVID-19.

Падрабязнасці даступныя падпісчыкам “Позірк+”