71-гадовы пешаход загінуў у ДТЗ у Карэліцкім раёне

4 лістапада, Позірк. Пра смяротнае дарожна-транспартнае здарэнне ў Карэліцкім раёне паведаміла УУС Гродзенскага аблвыканкама.

Адзначаецца, што ДТЗ здарылася 3 лістапада каля 18:25 у вёсцы Даўгінава.

“58-гадовы кіроўца аўтамабіля “Аўдзі” здзейсніў наезд на 71-гадовага пешахода, які пераходзіў праезную частку дарогі злева направа па ходзе руху аўтамабіля. Паводле папярэдняй інфармацыі, пешаход і аўтамабіліст не заўважылі адзін аднаго за вялікагрузам, што праязджаў побач. Варта дадаць, што грамадзянін не быў абазначаны святлоадбівальнымі элементамі”, — гаворыцца ў паведамленні.

Пешаход загінуў на месцы аварыі. Распачатая крымінальная справа.