Ціханоўская прыбыла ў Германію для абмеркавання плана Трампа па Украіне і далейшых крокаў па Беларусі

25 лістапада, Позірк. Святлана Ціханоўская ўвечары 25 лістапада прыбыла ў Германію з двухдзённым візітам. Асноўная мэта — абмеркаванне новага плана прэзідэнта ЗША Дональда Трампа па ўрэгуляванні сітуацыі ва Украіне і далейшых крокаў па Беларусі, паведаміў “Позірку“ галоўны дарадца дэмакратычнага лідара Франак Вячорка.

“Тэматыка сустрэч — бачанне беларусамі плана Трампа, яго наступствы для Беларусі, еўрапейская стратэгія для Беларусі, вызваленне палітвязняў, падтрымка рэпрэсаваных і незалежных СМІ, рэакцыя на гібрыдныя атакі Лукашэнкі на Літву і Польшчу“, — паведаміў дарадца.

Запланаваныя перамовы Ціханоўскай з кіраўніком знешнепалітычнага ведамства Германіі Ёханам Вадэфулем, прэзідэнтам Бундэстага Юліяй Клёкнер і інш. Дэмлідар сустрэнецца з дэпутацкай групай “Дэмакратычная Беларусь”, створанай у новым парламенце ФРГ, разам з Юліяй Навальнай (удава расійскага апазіцыйнага актывіста Аляксея Навальнага) атрымае прэмію “Людзі ў Еўропе” за 2025 год.

Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)