Замежнік спрабаваў употай завезці з Літвы ў Беларусь вырабы са срэбра і залатыя зліткі
20 снежня, Позірк. Грамадзянін Мексікі спрабаваў употай завезці з Літвы ў Беларусь каля 40 вырабаў са срэбра і два залатыя зліткі, паведаміла 20 снежня прэс-служба Дзяржаўнага мытнага камітэта.
Паводле інфармацыі ведамства, мужчына прыбыў у пункт пропуску Каменны Лог (з літоўскага боку — Мядзінінкай) на рэйсавым аўтобусе. Замежнік, як сцвярджаецца, “вырашыў схаваць інфармацыю пра тавары, што ўвозіў, і абраў для перасячэння мяжы зялёны калідор”, які мяркуе, што асобе няма чаго дэклараваць.
“Партыя каштоўнасцяў агульным коштам каля 40 тыс. рублёў знаходзілася ў яго сумцы з асабістым багажом”, — гаворыцца ў паведамленні.
У дачыненні да мексіканца распачаты адміністрацыйны працэс паводле ч. 4 арт. 15.5 (недэклараванне або прадастаўленне недакладных звестак пра тавары, у буйным памеры). Санкцыя — штраф у памеры 10–30% кошту прадмета парушэння.
Грамадзянка ФРГ, якая прыбыла ў Мінск, не задэкларавала 15 зліткаў золата, распачаты адміністрацыйны працэс
1 кастрычніка, Позірк. Грамадзянка Германіі, якая прыбыла ў нацыянальны аэрапорт Мінск са Стамбула, не задэкларавала 15 зліткаў золата, паведаміла 1 кастрычніка прэс-служба Дзяржаўнага мытнага камітэта. Паводле інфармацыі ведамства, яна перасякала мяжу па "зялёным калідоры", прызначаным для тых, хто накіроўваецца без …
Мытня канфіскавала ў грамадзяніна Літвы на мяжы залатыя зліткі і манеты на 260 тыс. рублёў
24 лістапада, Позірк. 15 залатых зліткаў і манет коштам каля 260 тыс. рублёў канфіскавана ў грамадзяніна Літвы ў пункце пропуску Каменны Лог (з сумежнага боку Мядзінінкай), паведамляе Дзяржаўны мытны камітэт (ДМК). Адзначаецца, што ўказаны груз 57-гадовы мужчына схаваў ад мытнага …
