Гродзенская міліцыя паведаміла аб шпіталізацыі мужчыны, які атрымаў агнястрэльныя раненні ў Польшчы
18 траўня, Позірк. Аб экстранай шпіталізацыі з агнястрэльнымі раненнямі 60-гадовага жыхара Гродзенскай вобласці паведаміў 18 траўня намеснік начальніка УУС аблвыканкама Максім Руды.
Паводле яго слоў, інфармацыю пра гэта міліцыя атрымала з установы аховы здароўя.
Паводле папярэдніх звестак, цялесныя пашкоджанні “ў вобласці галавы і ніжняй канечнасці мужчына атрымаў, знаходзячыся ў Рэспубліцы Польшча”, сказаў Руды.
“Цяпер пацярпелы ў цяжкім стане, яму аказваецца ўся неабходная медыцынская дапамога. Праводзіцца праверка, высвятляюцца абставіны здарэння”, — сказаў ён.
Іншыя падрабязнасці не прыводзяцца.
