У Пухавіцкім раёне загінуў матацыкліст

24 траўня, Позірк. Аб смяротным дарожна-транспартным здарэнні ў Пухавіцкім раёне (Мінская вобласць) паведамляе Следчы камітэт.

“24 траўня каля 05:00 37-гадовы мінчанін, рухаючыся па аўтадарозе Н-9388 паблізу вёскі Дукоўка, ужыў няправільныя прыёмы кіравання транспартным сродкам, дапусціў яго занос і з’ехаў у кювет, дзе здзейсніў наезд на прыдарожнае дрэва”, — адзначае ведамства.

У выніку аварыі кіроўца матацыкла загінуў на месцы здарэння, пасажыр, які знаходзіўся ў вазку, не пацярпеў.

Паводле папярэдняй інфармацыі, “напярэдадні матацыкліст ужываў алкаголь”, гаворыцца ў паведамленні.

На месцы ДТЗ працавала следча-аператыўная група.

Колькасць дарожна-транспартных здарэнняў знізілася ў Беларусі за год на 5,5% (з 3.453 у 2024-м да 3.262 у 2025-м), вынікае з праведзенага “Позіркам” аналізу звестак Нацыянальнага статыстычнага камітэта. Колькасць загінулых у ДТЗ скарацілася на 1,8% (з 434 да 426), траўміраваных — на 8,4% (з 3.804 да 3.483).