Аранжавы ўзровень небяспекі абвешчаны на 8 чэрвеня ў чатырох з шасці абласцей

7 чэрвеня, Позірк. У Віцебскай, Гомельскай, Мінскай і Магілёўскай абласцях на 8 чэрвеня абвешчаны аранжавы ўзровень небяспекі праз неспрыяльныя з’явы надвор’я, вынікае з інфармацыі Міністэрства па надзвычайных сітуацыях.

У гэтых рэгіёнах чакаецца тэмпература ад 11 (уначы) да 29 градусаў цяпла.

Белгідрамет прагназуе навальніцы, моцныя дажджы, узмацненне ветру парывамі 15–20 м/с.

МНС папярэджвае аб магчымых наступствах: пашкоджанні і абрыве ліній сувязі і электраперадач, парушэнні электразабеспячэння, пашкоджанні і абвальванні слаба ўмацаваных канструкцый, дахаў будынкаў, збудаванняў, падзенні дрэў і інш.

Ведамства традыцыйна рэкамендавала грамадзянам і арганізацыям прыняць меры асцярожнасці ў сувязі з непагаддзю.

Гл. таксама:

У Мінску абнавіўся рэкорд па ападках у траўні