На апошніх таргах тыдня падаражэў толькі долар

19 чэрвеня, Позірк. Амерыканскі долар падаражэў на таргах Беларускай валютна-фондавай біржы 19 чэрвеня.

Курс вырас да 2,7892 рубля (+0,10%; +0,0028).

Кітайскі юань патаннеў да 4,1078 за 10 (-0,25%; -0,0104).

Расійскі рубель знізіўся ў кошце да 3,7927 за 100 (-0,22%; -0,0084), еўра — да 3,1964 (-0,51%; -0,0163).

На адыходзячым працоўным тыдні курс долара вырас на 0,61% (з 2,7723 да 2,7892 рубля), еўра — знізіўся на 0,46% (з 3,2113 да 3,1964), расійскага рубля — на 0,57% (з 3,8144 да 3,7927 за 100 рублёў), юаня — вырас на 0,36% (4,0931 да 4,1078 за 10 рублёў).

Беларусь заняла другое месца на тэрыторыі былога СССР па зніжэнні афіцыйнага курсу долара ЗША да нацыянальнай валюты па выніках пяці месяцаў 2026 года, сведчыць праведзены “Позіркам“ параўнальны аналіз каціровак цэнтрабанкаў.

За гэты перыяд афіцыйны курс долара ў Беларусі знізіўся на 4,93% (з 2,9027 да 2,7596 рубля). На першым месцы Расія — 9,21% (з 78,2267 да 71,0224 рубля), на трэцім — Арменія — 3,46% (з 381,36 да 368,18 драма). За імі ідуць Казахстан, дзе долар патаннеў на 3,31% (з 502,57 да 485,95 тэнге), Грузія — 0,96% (з 2,6951 да 2,6693 лары), Узбекістан — 0,23% (з 12.025,33 да 11.997,83 сума) і Таджыкістан — 0,05% (з 9,2513 да 9,24654 самані).