28 чэрвеня можа быць пабіты абсалютны тэмпературны рэкорд месяца за 145 гадоў інструментальных метэаназіранняў
Карта тэмператур 23 чэрвеня 2021 года з абсалютным рэкордам месяца — 37,1 градуса цяпла
25 чэрвеня, Позірк. 28 чэрвеня ў Беларусі можа быць перакрыты абсалютны тэмпературны рэкорд месяца за ўвесь перыяд інструментальных метэаназіранняў (з 1881 года).
Паводле прагнозу Белгідрамета, па захадзе чакаецца да 37 градусаў вышэй за нуль. Цяперашні максімум першага летняга месяца — 37,1 градуса. Ён быў зафіксаваны 23 чэрвеня 2021 года ў Акцябрскім (Гомельская вобласць).
На 29 чэрвеня матэматычныя мадэлі даюць для захаду Беларусі тэмпературы на піку ад 38 да 41 градуса. Абсалютны гістарычны рэкорд для ўсёй тэрыторыі краіны — 38,9 градуса ў Гомелі 8 жніўня 2010 года.
30 чэрвеня чакаецца паніжэнне тэмпературы.
Белгідрамет прагноз на 29 чэрвеня апублікуе 26-га.
