9 ліпеня, Позірк. У дачыненні да Вячаслава Русіна 1984 года нараджэння 8 ліпеня распачатая спецыяльная вытворчасць, паведамляе спецыялізаваны тэлеграм-канал Следчага камітэта.
Русіна абвінавачваюць паводле арт. 369 КК (абраза прадстаўніка ўлады).
Мужчыну прапанавана з’явіцца ў аддзел СК па Кастрычніцкім раёне Мінска.
Працэдура спецвытворчасці ў Беларусі прымянялася адносна мінімум 180 чалавек.
Спецыяльная вытворчасць — гэта вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, што вядзе крымінальны працэс.
Магчымая па 34 складах злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да санкцый ды інш.
Улады актыўна выкарыстоўваюць спецвытворчасць для абвінавачання, правядзення судоў і канфіскацыі на падставе іх рашэння ўласнасці фігурантаў, якія знаходзяцца за мяжой.
Аўтарызавацца
Забыліся пароль?
Выхад з профілю
