На тэматычным злёце ў Віцебскай вобласці затрымана больш за 300 чалавек — праваабаронцы
30 ліпеня, Позірк. Пра затрыманне 29 ліпеня каля 350 чалавек падчас міліцэйскага рэйду на штогадовы злёт беларускай супольнасці Rainbow Family (“Сям’я вясёлкі”) пад Расонамі (Віцебская вобласць) паведаміла “Віцебская вясна”.
Паводле папярэдняй інфармацыі, удзельнікі разбілі намётавы лагер у маланаселенай мясцовасці ля вадаёма. Праваабаронцы сцвярджаюць, што сілавікі затрымлівалі людзей цэлымі сем’ямі. Паводле іх звестках, ноч у ізалятары часовага ўтрымання разам з дарослымі правяло некалькі дзяцей.
На затрыманых складзеныя адміністрацыйныя пратаколы за “ўдзел у несанкцыянаваным масавым мерапрыемстве”. Фігуранты папярэджаны, што “на працягу двух месяцаў іх справы будуць разгледжаны ў судзе”.
Падобны выпадак здарыўся ў Віцебску ў 2025 годзе, калі міліцыя затрымала больш за 300 студэнтаў са Шры-Ланкі, якія адзначалі нацыянальны Новы год, кваліфікаваўшы іх сустрэчу як несанкцыянаванае масавае мерапрыемства, адзначае “Віцебская вясна”.
Даведка “Позірку”.
Rainbow Family — міжнародны нефармальны рух, які ўзнік у ЗША ў 1972 годзе.
Яго ўдзельнікі праводзяць некамерцыйныя шматдзённыя сустрэчы на прыродзе, жывуць у намётавых лагерах, арганізуюць агульныя кухні і прымаюць рашэнні на аснове кансэнсусу. Рух аб’ядноўвае прыхільнікаў мірнага суіснавання, узаемадапамогі, беражлівых адносін да прыроды і крытыкі спажывецкага грамадства.
Правядзенне сустрэчы ўдзельнікаў Rainbow Family у Беларусі на міжнародным валанцёрскім сайце руху не анансавалася.
Міліцыя не дала правесці ў Мінскай вобласці выставу дрыфт-аўтамабіляў — удзельнікі прыцягнуты да адміністрацыйнай адказнасці
28 чэрвеня, Позірк. Пра "спыненне незаконнага аўтафестывалю" паведаміла 28 чэрвеня Міністэрства ўнутраных спраў. Ведамства заяўляе, што ва Уздзенскі РАУС (Мінская вобласць) "паступілі шматлікія паведамленні грамадзян аб цяжкасці дарожнага руху на аўтадарозе Р-23 паблізу вёскі Трысцінец". "Нарад, які прыбыў на месца, …
