У Гомелі суд разгледзіць справу банкаўскага работніка аб прысваенні 90 тыс. рублёў

13 жніўня, Позірк. Накіравана ў суд справа банкаўскага работніка аб прысваенні 90,4 тыс. рублёў па ч. 4 арт. 211 Крымінальнага кодэкса (прысваенне або растрата), паведамляе Генеральная пракуратура.

Устаноўлена, што 54-гадовая спецыяліст па аказанні рознічных банкаўскіх паслуг са студзеня 2020 года па красавік 2026-га, “знаходзячыся на працоўным месцы ў памяшканні аддзялення банка, прысвойвала сабе наяўныя грашовыя сродкі”. Замест сапраўдных грашовых купюр “яна падкладала банкноты “Банка прыколаў”, візуальна падобныя з наміналам 500 еўра” (вырабляюцца ў РФ, даступныя для пакупкі на інтэрнэт-пляцоўках. — “Позірк”.).

Такім чынам абвінавачаная ўчыніла крадзеж наяўных грашовых сродкаў, якія належаць банку, чым нанесла маёмасную шкоду ў асабліва буйным памеры.

Падчас папярэдняга следства жанчына часткова кампенсавала.

Крымінальная справа знаходзілася ў вытворчасці Гомельскага гарадскога аддзела Следчага камітэта. Фігурант знаходзіцца пад падпіскай аб нявыездзе і належных паводзінах.

У сакавіку Генеральная пракуратура паведамляла, што на чатыры гады пазбаўлена волі спецыяліст па аказанні раздробных банкаўскіх паслуг у адным з банкаў Магілёва, якая з верасня 2018 года па чэрвень 2025-га сістэматычна здзяйсняла крадзеж наяўных грошай.