КДК канфіскаваў 40 кг “небяспечнай прадукцыі” ў крамах Брэсцкага і Жабінкаўскага раёнаў

19 жніўня, Позірк. Аб канфіскацыі больш за 40 кг “небяспечнай прадукцыі” ў крамах Брэсцкага і Жабінскага раёнаў (Брэсцкая вобласць) паведамляе Камітэт дзяржкантролю (КДК).

Адзначаецца, што “падчас кантрольных мерапрыемстваў” у крамах “выяўлены шэраг парушэнняў правілаў гандлю і санітарных нормаў”.

КДК устаноўленыя факты рэалізацыі харчовай прадукцыі з мінулымі тэрмінамі прыдатнасці; невыканання ўмоў і рэжымаў захоўвання харчовай прадукцыі; невыканання абавязковага пераліку тавараў; адсутнасці абавязковай інфармацыі аб таварах для спажыўцоў.

Удакладняецца, што малочныя і мясныя прадукты захоўваліся з парушэннем тэмпературнага рэжыму. “Напрыклад, варанае згушчанае малако захоўвалася пры +21 з замест устаноўленых вытворцам ад 0 да +10 С”, — гаворыцца ў паведамленні.

Перавышэнне тэрмінаў прыдатнасці на некаторыя хлебабулачныя вырабы, малочную і мясную прадукцыю склала ад 19 гадзін да 7 сутак, паведамляе ведамства.

Таксама ў рэалізацыі знаходзіліся “каўбаса, сала, мясныя паўфабрыкаты без дакументаў, якія пацвярджаюць іх якасць і бяспеку”.

“Частка парушэнняў аператыўна ліквідаваныя. Уласнікам накіраваныя рэкамендацыі па навядзенні парадку ў гандлёвых аб’ектах”, — адзначае камітэт.