З-за закрыцця паветранай прасторы ў РФ ноччу і раніцай 30 жніўня не ажыццяўляліся вылеты з мінскага аэрапорта

30 жніўня, Позірк. З-за закрыцця паветранай прасторы ў еўрапейскай частцы Расіі ноччу і ранняй раніцай 30 жніўня не ажыццяўляліся вылеты з мінскага аэрапорта.

Як сведчыць анлайн-табло, былі затрыманыя рэйсы ў Маскву, Ніжні Ноўгарад (РФ), Тэль-Авіў (Ізраіль), Анталлю (Турцыя), Хургаду (Егіпет), Кутаісі (Грузія).

У другой палове дня затрымаліся рэйсы ў Маскву, Санкт-Пецярбург, Анталлю.

РФ часта закрывае асобныя тэрыторыі для палёту грамадзянскіх суднаў праз атакі ўкраінскіх дронаў, якія запускаюцца ў адказ на расійскія бамбардзіроўкі.

10 жніўня беларускі авіяперавозчык “Белавія“ папярэдзіў пра змены ў плане палётаў “у сувязі з абмежаваннямі на выкарыстанне паветранай прасторы Расіі”. Пра тое, што гэта звязана з вайной РФ супраць Украіны, не згадваецца.