У спіс “тэрарыстаў“ уключаны кандыдат юрыдычных навук, які, верагодна, адбывае пакаранне

1 верасня, Позірк. Асуджаны паводле арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) 28-гадовы Міраслаў Бандарэнка ўнесены Камітэтам дзяржаўнай бяспекі ў пералік “асоб, якія маюць дачыненне да тэрарыстычнай дзейнасці”.

Гэта вынікае з даных, апублікаваных 1 верасня ў тэлеграм-канале спецслужбы (абнаўленні ў спіс унесены 26 жніўня).

Абставіны справы, як і прысуд суда, невядомыя.

Згодна з наяўнымі ў інтэрнэце данымі (сэрвіс “Google Акадэмія“), Міраслаў Святаслававіч Бандарэнка працаваў у Беларускім дзяржаўным эканамічным універсітэце, з’яўляецца аўтарам шэрагу навуковых публікацый у галінах гаспадарчага, прадпрымальніцкага і інвестыцыйнага права.

Быў аспірантам кафедры гаспадарчага права Беларускага дзяржаўнага ўніверсітэта.

У студзені 2026 года ў БДУ абараніў кандыдацкую дысертацыю “Прававы рэжым інвестыцый у чалавечы капітал“, сведчыць інфармацыя на сайце ВНУ.

Цяпер у пераліку “тэрарыстаў“ 1.471 чалавек, у тым ліку 719 грамадзян Беларусі.