У Мінску і Баранавічах дрэвы, што ўпалі праз непагадзь, пашкодзілі аўтамабілі

1 верасня, Позірк. Пра наступствы непагадзі ў Мінску і Брэсцкай вобласці паведаміла ўвечары 1 верасня прэс-служба Міністэрства па надзвычайных сітуацыях.

Паводле інфармацыі ведамства, у сталіцы зафіксавана два выпадкі падзення дрэў, якія знаходзіліся ў аварыйным стане. Адно з іх пашкодзіла легкавы аўтамабіль.

Выпадкі падзення дрэў таксама адзначаныя ў Баранавічах (таксама пашкоджаны адзін аўтамабіль), Брэсце і Ганцавіцкім раёне.

Згодна з аператыўнай інфармацыяй, людзі не пацярпелі.

1 верасня ў многіх раёнах Беларусі прайшлі навальніцы з моцнымі дажджамі.