17 верасня, Позірк. У студзені — ліпені 2026 года імпарт харчовых яек у Грузію ў параўнанні з аналагічным перыядам мінулага года вырас амаль у 28 разоў, паведаміў тэлеграм-канал Tbilisi Life са спасылкай на інфармацыю Нацыянальнай службы статыстыкі краіны (Сакстат).
Паводле даных Сакстата, калі за першыя сем месяцаў мінулага года краіна закупіла 683 тыс. яек на суму 36,3 тыс. долараў, то за аналагічны перыяд гэтага года ў Грузію было імпартавана 18,881 млн яек на суму 1,362 млн долараў.
Паведамляецца, што 92% яек, якія паступілі ў Грузію, прыпадае на Турцыю, адкуль за сем месяцаў закуплена 17,415 млн яек на 1,216 млн долараў. Астатнія 1,446 млн яек на 146,7 тыс. долараў імпартаваныя з Беларусі.
У ліпені Tbilisi Life паведамляў, што Грузія рэзка павялічыла імпарт беларускіх нафтапрадуктаў ва ўмовах абмежавання паставак з Расіі.
Паводле інфармацыі рэсурсу, за першыя шэсць месяцаў 2026 года краіна закупіла ў Беларусі 52 тыс. тон паліва на 50,9 млн долараў — на 3.469% больш, чым за аналагічны перыяд мінулага года.
