Аляксандраў: Мне казалі, што мой лёс нікога не цікавіць, але я ведаў, што гэта не так

2 кастрычніка, Позірк. Улады краін, дзе ў зняволенні знаходзяцца журналісты і грамадзянскія актывісты, імкнуцца ізаляваць іх і прымусіць паверыць, што іх лёс нікога не цікавіць. Пра гэта заявіў медыяменеджар, былы палітвязень Андрэй Аляксандраў падчас дыскусіі ў Осла (Нарвегія) з лаўрэатамі прэміі Free Media Awards 2026 і 2025 года.

“Адразу пасля майго затрымання, — сказаў Аляксандраў, — прадстаўнікі праваахоўных органаў давалі мне зразумець: ведаеце, ёсць лідары пратэстнага руху, пра якіх, магчыма, паклапоцяцца на Захадзе, а вы — ніхто, ніхто вас не ведае, і вы праведзяце свае 14 гадоў у зняволенні. Гэта быў іх асноўны пасыл”.

Аднак, паводле слоў медыяменеджара, ён “заўсёды ведаў, што не самотны”, што “вядзецца велізарная праца”, каб падтрымаць яго і калегаў за кратамі і “агулам беларускіх палітвязняў”.

“Так што мы дакладна ведалі, што мы не адны. І гэта было вельмі важнае пачуццё салідарнасці і жывога чалавечага цяпла — ведаць тое, што ты не адзін, што людзі памятаюць, за што ты сядзіш. І гэта сапраўды давала мне не проста надзею, а ўпэўненасць, што ўсё будзе добра, хай нават давядзецца правесці нейкі час за кратамі. Я ведаў, за што я выступаю, і гэтыя каштоўнасці важнейшыя за нейкія асабістыя нягоды”, — падкрэсліў Аляксандраў.

Больш падрабязнасцяў даступна падпісчыкам “Позірк+”