СК пачаў спецвытворчасць у дачыненні да Уладзіміра Парфіновіча, гэта 200-ы фігурант завочных крымінальных спраў

28 кастрычніка, Позірк. Пра пачатак спецыяльнай вытворчасці ў дачыненні да Уладзіміра Парфіновіча (1989 года нараджэння) паведаміў Следчы камітэт.

Яму інкрымінуюцца злачынствы, прадугледжаныя ч. 1 і ч. 2 арт. 364 Крымінальнага кодэкса (садзейнічанне экстрэмісцкай дзейнасці), і прапануецца з’явіцца ва ўпраўленне СК па Мінскай вобласці.

Раней паведамлялася, што, паводле звестак праваабарончага цэнтра “Вясна”, з 2022 года зафіксавана як мінімум 229 завочных судоў у рамках спецвытворчасці. Агульная колькасць такіх фігурантаў, мяркуючы па даных у спецыяльным тэлеграм-канале СК, складае цяпер 200 чалавек. Не менш за тры чалавекі прыцягвалі двойчы.

Спецвытворчасць прымяняецца па 34 складах злачынстваў. Сярод іх — акт тэрарызму, генацыд, найміцтва, дзяржаўная здрада, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да ўвядзення санкцый.