Мінск 18:05

61-гадовая жанчына шпіталізаваная з цяжкімі траўмамі пасля ДТЗ у Лідзе, распачатая крымінальная справа

Архіўнае фота: dzr.by

18 лістапада, Позірк. Увечары 17 лістапада ў Лідзе (Гродзенская вобласць) аўтамабіль збіў 61-гадовую жанчыну на рэгуляваным пешаходным пераходзе, пацярпелая шпіталізаваная з цяжкімі цялеснымі пашкоджаннямі, паведаміў Следчы камітэт.

Паводле даных следства, 51-гадовая жыхарка Ліды ехала на аўтамабілі Citroën па вуліцы Фрунзе ў напрамку вуліцы 8 сакавіка. На дазваляльны сігнал святлафора яна паварочвала направа і збіла жанчыну, якая пераходзіла дарогу.

Распачатая крымінальная справа паводле ч. 2 арт. 317 КК (парушэнне правілаў дарожнага руху, якое пацягнула прычыненне цяжкага цялеснага пашкоджання).

Падзяліцца: