Генпракуратура ў 2022 годзе выявіла 34 карупцыйныя злачынствы ў сістэме Мінлясгаса
20 студзеня, BPN. Генеральная пракуратура сумесна з пракуратурамі абласцей і Мінска выявіла парушэнні заканадаўства аб барацьбе з карупцыяй у сістэме Мінлясгаса, паведаміла прэс-служба нагляднага ведамства.
“У 2022 годзе ў сістэме лясной гаспадаркі выяўлены 34 карупцыйныя злачынствы, учыненыя ў тым ліку службовымі асобамі апарата Мінлясгаса. Памер урону, устаноўленага па крымінальных справах аб злачынствах карупцыйнай накіраванасці, перавысіў 1,7 млн рублёў”, — зазначаецца ў рэлізе.
Найбольш уразлівымі названы “рэалізацыя драўніны суб’ектам гаспадарання, закупка абсталявання і тэхнікі за кошт уласных сродкаў, забеспячэнне захаванасці леса- і піламатэрыялаў, іншай маёмасці”.
Праверка выявіла таксама факты драбнення прадмета куплі, няправільнага выбару віду закупак або ўхілення ад правядзення канкурэнтных працэдур, няправільнага вызначэння ўмоў допуску тавараў замежнага паходжання, фарміравання лотаў для суб’ектаў малога і сярэдняга прадпрымальніцтва, парушэнні пры падрыхтоўцы дакументацыі і размяшчэнні ў адкрытым доступе звестак аб закупках.
Пракуроры адзначылі нізкую эфектыўнасць антыкарупцыйных камісій у шэрагу ўстаноў галіны, якая выяўлялася ў “разглядзе вузкага кола пытанняў і прыняццем аднатыпных рашэнняў”.
У многіх лясгасах зафіксаваны канфлікт інтарэсаў, звязаны з работай у адной арганізацыі мужа і жонкі і блізкіх сваякоў, выкарыстанне службовага транспарту ў асабістых мэтах, недакладнасць звестак у дэкларацыях аб даходах і маёмасці работнікаў.
Міністр лясной гаспадаркі Віталь Дрожжа быў звольнены 5 траўня 2022 года “ў сувязі са здзяйсненнем правіны, несумяшчальнай са знаходжаннем на дзяржаўнай службе”. 12 студзеня гэтага года прыгавораны да 7,5 года пазбаўлення волі за атрыманне хабару ў асабліва буйным памеры.


- ГрамадстваДэфіцыту медыкаў няма, трэба рацыянальна выкарыстоўваць кадравы рэсурс — прадстаўнік Мінздароўя (падрабязна)Матэрыял даступны толькі падпісчыкам ПОЗІРК+
- Эканоміка
- ГрамадстваІнтэрнатуру ў Беларусі праходзіць у год да 150 замежнікаў — выпускнікоў мясцовых медычных ВНУМатэрыял даступны толькі падпісчыкам ПОЗІРК+
- Грамадства, Эканоміка
- Грамадства, ЭканомікаПаводле метадалогіі МАП у Беларусі па-ранейшаму ўзровень беспрацоўя вышэй, чым у РФ (падрабязна)Матэрыял даступны толькі падпісчыкам ПОЗІРК+
- Палітыка
- Палітыка
- ЭканомікаТрэці месяц запар Беларусь займае 3-е месца ў ЕАЭС паводле дынамікі прамвытворчасціМатэрыял даступны толькі падпісчыкам ПОЗІРК+
- Грамадства
- ЭканомікаБазавая інфляцыя ў траўні склала 7,1% — Нацбанк (падрабязна)Матэрыял даступны толькі падпісчыкам ПОЗІРК+
- Грамадства
- Эканоміка
- Палітыка
- Грамадства, ПалітыкаАд пачатку года Польшча спыніла больш за 12 тыс. спробаў незаконнага перасячэння мяжы з боку БеларусіМатэрыял даступны толькі падпісчыкам ПОЗІРК+
- Грамадства
- Грамадства
- Палітыка
- ПалітыкаХроніка палітычных рэпрэсій за 10 чэрвеня 2025 годаМатэрыял даступны толькі падпісчыкам ПОЗІРК+
- Палітыка
- Палітыка