27 снежня, Позірк. Амбасада Беларусі ў Экватарыяльнай Гвінеі павінна быць адкрытая да 1 жніўня 2024 года, вынікае з пастановы Савета міністраў № 930 ад 22 снежня.
Згодна з дакументам, апублікаваным 27 снежня на Нацыянальным прававым інтэрнэт-партале, Міністэрству фінансаў даручана прафінансаваць яго з’яўленне і працу “ў межах сродкаў” рэспубліканскага бюджэту, якія прызначаны на адкрыццё і ўтрыманне Міністэрствам замежных спраў дыпламатычных прадстаўніцтваў і консульскіх структураў за мяжой.
Кіраўнік МЗС Сяргей Алейнік паведаміў пра планы адкрыць амбасаду ў Малаба 19 кастрычніка па выніках сумеснай камісіі Беларусі і Экватарыяльнай Гвінеі, якая прайшла ў Мінску.
Праз паўтара месяца, 9 снежня, Аляксандр Лукашэнка, знаходзячыся ў гасцях у прэзідэнта гэтай афрыканскай дзяржавы Тэадора Абіянга Нгемы Мбасога, пацвердзіў гэты намер. Ён адзначыў, што беларуская амбасада ў Малаба пачне працаваць “у хуткім часе”, а дыпламатычнае прадстаўніцтва Экватарыяльнай Гвінеі ў Мінску — да канца 2024 года.
Гл. таксама:
