Гродзенская вобласць працягнула дазвол на вываз прадуктаў у Польшчу і Літву

24 студзеня, Позірк. Гродзенскі аблвыканкам дазволіў вывозіць у Польшчу і Літву харчовыя тавары для асабістага карыстання без абмежаванняў да 31 снежня 2024 года. Рашэнне мясцовых улад ад 16 студзеня апублікавана на Нацыянальным прававым інтэрнэт-партале і набыло моц.

Пастановай ад 12 красавіка 2022 года № 224 “Аб мерах па абароне ўнутранага рынку” ўрад лімітаваў колькасць пэўных тавараў, якія фізічныя асобы могуць вывозіць за межы Еўразійскага эканамічнага саюза.

У прыватнасці грамадзянам не дазваляецца везці за межы краіны больш за 2 кг пшанічнай мукі; звыш 1 кг грачаных, рысавых, манных, аўсяных і пярлоўных круп, проса, аўсяных шматкоў, макаронных вырабаў, цукру і солі; больш за 1 л расліннага алею, больш за тры слоікаў мясных, малочных і рыбных кансерваў (за выключэннем дзіцячага харчавання).

У Гродзенскай, Брэсцкай і Віцебскай абласцях былі прыняты выключэнні, прадоўжаныя ў 2023 годзе.