Беларусь у студзені купіла тавараў на 166,1 млн больш, чым прадала
5 сакавіка, Позірк. Знешнегандлёвы абарот тавараў у студзені 2024 года склаў 6 млрд 360,1 млн долараў — на 1,1% больш, чым за той жа месяц 2023-га, сведчаць даныя Нацыянальнага статыстычнага камітэта.
Экспарт у студзені дасягнуў 3 млрд 97 млн долараў (2,4%), імпарт — 3 млрд 263,1 млн (-0,03%). Адмоўнае сальда — 166,1 млн долараў (у студзені 2023-га яно было -233,8 млн долараў).
Знешнегандлёвы абарот тавараў у 2023 годзе склаў 83 млрд 424,5 млн долараў (+8,6%): экспарт — 40 млрд 168,2 млн (+4,7%), імпарт — 43 млрд 256,3 млн (+12,4%). Адмоўнае сальда склала 3 млрд 88,1 млн долараў.
