Генштаб: Мерапрыемствы комплекснай праверкі ва Узброеных сілах будуць нарошчвацца
Віктар Гулевіч
15 сакавіка, Позірк. Праверка баявой гатоўнасці злучэнняў і вайсковых частак Узброеных сіл Беларусі носіць “комплексны характар”, яе мерапрыемствы “будуць нарошчвацца”, заявіў начальнік Генеральнага штаба УС Віктар Гулевіч.
Паводле яго слоў, якія перадае прэс-служба Міністэрства абароны, цяпер прыводзяцца ў гатоўнасць да “выканання задач па прызначэнні” 19-я асобная механізаваная брыгада Паўночна-Заходняга аператыўнага камандавання (дыслакуецца ў вёсцы Заслонава Лепельскага раёна Віцебскай вобласці. — “Позірк“.) і шэраг воінскіх часцей Заходняга аператыўнага камандавання. У рамках праверкі прадугледжаны прызыў ваеннаабавязаных з запасу, адзначае ваеннае ведамства.
“Асабоваму складу правяраемых злучэнняў і воінскіх часцей трэба будзе выканаць увесь комплекс мерапрыемстваў па падрыхтоўцы ўзбраення, ваеннай і спецыяльнай тэхнікі да ўжывання, загрузцы на транспарт запасаў матэрыяльна-тэхнічных сродкаў, — сказаў Гулевіч. — У наступным войскам трэба будзе выйсці ў прызначаныя раёны і пасля іх заняцця быць у гатоўнасці да правядзення серыі вучэнняў, у тым ліку з баявой стральбой”.
У ходзе праверкі запланаванае перамяшчэнне ваеннай тэхнікі, што можа прывесці да абмежавання руху грамадзянскага транспарту па дарогах агульнага карыстання і ўчастках мясцовасці, падкрэслілі ў Мінабароны.
Падстаў для непакою праз актыўнасць беларускіх вайскоўцаў ля мяжы няма, мяркуе Мінабароны Літвы
15 сакавіка, Позірк. Вайсковая выведка Літвы "пастаянна сочыць" за актыўнасцю беларускіх вайскоўцаў ля мяжы, "падстаў для непакою" ў сувязі з гэтым сёння няма, паведамілі інфармацыйнаму парталу Delfi ў Міністэрстве абароны гэтай балтыйскай дзяржавы. У ведамстве адзначылі, што Беларусь праводзіць "руцінную …