18 красавіка, Позірк. У Дзяржынску (Мінская влбласць) апошнімі днямі затрымалі мінімум пяць чалавек, адбыліся вобшукі, паведамляе праваабарончы цэнтр “Вясна”.
Вядома, што яны тычацца ўдзелу ў паслявыбарчых акцыях пратэсту ў 2020 годзе — людзям інкрымінуюць арт. 342 Крымінальнага кодэкса (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
Частка затрыманых — з суседніх дамоў з адной вуліцы.
Паведамляецца, што нагодай для пераследу сталі “пратэсныя фотаздымкі і відэа”, па якіх ідэнтыфікуюць удзельнікаў акцый. Дакладная колькасць людзей, што трапілі пад пераслед, невядомая.
28 сакавіка праваабаронцы паведамілі пра вобшукі, якія зладзіў Камітэт дзяржаўнай бяспекі ў прадстаўнікоў прафсаюзаў.
“Вядома, што ў “прафсаюзнікаў” канфіскавалі тэхніку, але пасля допытаў адпусцілі. Паведамляецца, што сілавікоў цікавілі сувязі з [фондамі салідарнасці] BySOL і ByHelp, а таксама ў людзей пыталіся пра гэтак званае “фінансаванне тэрарыстычнай дзейнасці”, — гаворыцца ў паведамленні.
Рэпрэсіі ў Беларусі не спыняюцца з 2020 года.
Аўтарызавацца
Забыліся пароль?
Выхад з профілю
