Каля 63 тыс. грамадзян Беларусі мае ДНЖ у Літве, у 74% ён на падставе працы — міграцыйная служба

9 красавіка, Позірк. Дзеючы дазвол на жыхарства ў Літве сёння маюць 62.830 грамадзян Беларусі, паведаміла намесніца дырэктара Дэпартамента міграцыі пры МУС Люцыя Войшніс 9 красавіка на III Беларускім бізнес-форуме ў Вільнюсе.

Паводле яе слоў, 74% гэтых асоб знаходзіцца ў краіне на падставе працы.

“У іх ліку 1.700 міжнародных перавозчыкаў, 81 бетоншчык, 36 электрыкаў, 35 зваршчыкаў, 25 тынкоўшчыкаў (верагодна, тыя, хто атрымаў ДНЖ у 2024 годзе. — “Позірк”.), — сказала чыноўніца. — Тут самыя розныя прафесіі, гэта разнастайнасць. Гэта сапраўды вельмі вялікая суполка беларускіх грамадзян, якія ў Літве працуюць”.

Войшніс паведаміла, што дазвол на жыхарства, выдадзены на падставе вядзення бізнесу ў Літве, маюць 130 беларускіх грамадзян. “Можа быць, колькасць і не такая вялікая, але ўсё адно бізнес — гэта нялёгкая справа, магчыма, не ў кожнага атрымліваецца, а ў некага, наадварот, атрымліваецца вельмі добра”, — сказала прадстаўніца міграцыйнай службы.

Паводле яе інфармацыі, ДНЖ паводле гуманітарных падстаў выдадзены прыкладна 1.500 беларусам.

Падрабязнасці даступныя падпісчыкам “Позірк+”