25 кастрычнік, Позірк. Сям’я абаронцаў беларускай мовы Ігара Случака і Аліны Нагорнай вывезена з Беларусі пры дапамозе фонду BYSOL, паведаміў на сваёй старонцы у “Фэйсбуку” заснавальнік фонду Андрэй Стрыжак.
“Гэта была асаблівая эвакуацыя са складанымі і драматычнымі рашэннямі. Складаная яшчэ і тым, наколькі шмат Аліна і Ігар змаглі зрабіць знаходзячыся ў Беларусі дагэтуль. Іх расповед пра жыццё апошніх трох год — гэта драматычны прыгодніцкі трыллер, і гэты расповед варты асобнай кнігі”, — напісаў Стрыжак.
Стрыжак адзначыў, што “Аліна і Ігар пратрымаліся максімальна доўга, працягваючы займацца праваабарончай дзейнасцю ўнутры краіны, але кола вакол іх звузілася настолькі і справа стала такой небяспечнай, што яны былі вымушаныя з’ехаць”.
