Дадатак Belarus ID для галасавання на выбарах у КР будзе даступны толькі за мяжой

21 траўня, Позірк. Дадатак Belarus ID для ідэнтыфікацыі выбаршчыкаў і галасавання на выбарах у трэці склад Каардынацыйнай рады (КР) будзе даступны толькі беларусам замежжа, вынікае з паведамлення КР.
21 траўня палітычная структура абвясціла пра ранні доступ да дадатку.
“Каманда Паўла Лібера распрацавала для выбараў у КР платформу Belarus ID — бяспечнае рашэнне для верыфікацыі чалавека і галасавання анлайн, — гаворыцца ў паведамленні. — IT-спецыялісты зрабілі ўсё магчымае са свайго боку, каб вашыя даныя засталіся ў бяспецы. Тым часам, мы не можам зрабіць для вашай уласнай бяспекі больш, чым вы самі. Просім вас старанна выконваць нескладаныя інструкцыі, якія вы ўбачыце ўнутры дадатку”.
Для бяспекі выбаршчыкаў унутры Беларусі, адзначыў КР, дадатак не будзе даступны на беларускай тэрыторыі. Замест яго бліжэй да даты галасавання з’явіцца вэб-версія.
Варта адзначыць, што на прысвечанай выбарам канферэнцыі 19 траўня ў Варшаве старшыня Выбарчай камісіі КР Алена Прыходзька заявіла, што дадатак будзе даступны для беларусаў унутры краіны, але заклікала спампоўваць яго не раней за 25 траўня. На тым самым форуме яна паведаміла, што прагаласаваць змогуць толькі ўладальнікі беларускіх пашпартоў.
На наступны дзень КР удакладніў, што ўдзел у выбарах змогуць узяць у тым ліку грамадзяне Беларусі са скончаным тэрмінам дзеяння пашпарта.
Выбары ў Каардынацыйную раду пачнуцца 25 траўня і працягнуцца тры дні — да 23:59 27 траўня. Першае паседжанне КР трэцяга склікання чакаецца 15 чэрвеня.
Камітэт дзяржаўнай бяспекі прызнаў усе 12 кааліцый кандыдатаў на выбарах у трэці склад Каардынацыйнай рады “экстрэмісцкімі фарміраваннямі”.
- Палітыка
- ПалітыкаХроніка палітычных рэпрэсій за 3 красавіка 2025 годаМатэрыял даступны толькі падпісчыкам ПОЗІРК+
- Эканоміка
- Грамадства, Палітыка
- Грамадства, Палітыка, Эканоміка
- Палітыка
- Грамадства, Палітыка
- Грамадства
- ГрамадстваЗа восем гадоў колькасць атрымальнікаў дапамогі на дзяцей да трох гадоў скарацілася ў Беларусі (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Грамадства
- Палітыка
- Грамадства, Палітыка
- Палітыка
- ГрамадстваКолькасць дзіцячых адукацыйных цэнтраў зменшылася ў Беларусі за пяць гадоў на 12,5%Матэрыял даступны толькі падпісчыкам ПОЗІРК+
- Эканоміка
- Навіны Германіі, Палітыка
- Грамадства, Палітыка
- Грамадства, Палітыка
- Грамадства, Палітыка
- Эканоміка
- Грамадства, Палітыка
- Эканоміка
- ЭканомікаКурс наяўнага долара ў сакавіку 2025 года знізіўся амаль на 3%, з пачатку года — на 10% (падрабязна)Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Палітыка
- Палітыка
- Грамадства