Падчас візіту ў Прагу BelPol наладзіў “больш цеснае ўзаемадзеянне” з чэшскімі дзяржорганамі
26 траўня, Позірк. Падчас рабочай паездкі ў Прагу прадстаўнікі аб’яднання былых сілавікоў BelPol наладзілі “больш цеснае ўзаемадзеянне” з дзяржаўнымі органамі Чэхіі, паведамляе тэлеграм-канал арганізацыі.
“Праведзены шэраг іншых працоўных мерапрыемстваў, накіраваных на супрацьдзеянне злачыннаму рэжыму Лукашэнкі і прыцягненне яго да законнай адказнасці”, — гаворыцца ў паведамленні.
Адзначаецца, што па выніках візіту “атрымалася пашырыць кола партнёраў” аб’яднання, а “з ужо існуючымі — дасягнуць больш плённага ўзаемадзеяння”.
Падкрэсліваецца, што асноўнай мэтай паездкі прадстаўнікоў BelPol у Прагу быў удзел у кангрэсе, прысвечаным беларускім палітвязням, які прайшоў 23–25 траўня. У ім прыняло ўдзел больш за 70 чалавек — прадстаўнікі праваабарончых арганізацый і гуманітарных ініцыятыў, эксперты ў галіне права, беларускія і замежныя палітыкі, дыпламаты, былыя палітвязні і члены іх сем’яў.
BelPol азнаёміў пасла Кізіма са "схемамі ўдзелу" рэжыму Лукашэнкі ў агрэсіі РФ супраць Украіны
22 траўня, Позірк. "Актуальныя пытанні дзейнасці беларускай дэмакратычнай супольнасці" былі абмеркаваныя на сустрэчы прадстаўнікоў аб'яднання былых сілавікоў BelPol з паслом па асаблівых даручэннях па Беларусі МЗС Украіны Ігарам Кізімам. Як паведаміў BelPol 22 траўня ў сваім тэлеграм-канале, Кізіму была прадастаўленая …
